Pages

Bhutan News Service

Bhutan News Service

स्वदेश फिर्तीको चर्चामा नेताहरु

Posted: 18 Dec 2010 09:17 AM PST

शरणार्थी स्वदेश फिर्ती समितिका अध्यक्ष डा. भम्पा राईले भूटानी शरणार्थी अगुवाहरुको कारण स्वदेश फिर्तीको आन्दोलन सफल हुन नसकेको बताएका छन् ।
भूटानको १०३ औं राष्ट्रिय दिवसको अवसरमा शुक्रबार झापाको दमकमा आयोजित अन्तरक्रिया कार्यक्रममा बोल्दै अध्यक्ष राईले अहिले भुटानी शरणार्थीहरुमा अभिभावक संस्थाको खाँचो रहेकोले पहिला अभिभवकको चयन गर्नु पर्नेमा जोड दिएको झापाबाट तितोपिरोमिठो डटकमले जनाएको छ ।
त्यस्तै, कार्यक्रममा भारतबाट आएका भूटानी स्वदेश फिर्ती आन्दोलनका सहयोगी तथा नेपाल भारत भुटानका बुद्धिजिविहरुको संगठन साप्पेका सदस्य शैलेन्द्र अरोराले भूटानीहरुको तेस्रो मुलुक पुनर्स्थापनालाई मानव तस्करीको संज्ञा दिँदै उक्त मानव तस्करीमा भूटान, भारत र नेपाल तीनैवटा देशहरु संलग्न रहेको आरोप लगाएका छन् ।
उनले यसरी खुलेआम भइरहेको मानव तस्कारीलाई रोक्न नेपालका मानव अधिकारवादीहरुको ध्यानाकर्षण गराएका थिए । नेपाल, भारत र भुटानको संबन्धलाई अझ सुमधुर बनाउन पर्ने कुरामा पनि अरोराले जोड दिए ।
ड्रुक नेशनल काँग्रेस भूटानका उपाध्यक्ष थिन्ले पेन्जोरको सभाध्यक्षतामा सम्पन्न सो कार्यक्रममा दमकका शिक्षासेवी जय बहादुर श्रेष्ठ, नेपाल मानव अधिकार संगठनका केन्द्रीय सदस्य चित्रबहादुर बस्नेत, भूटानी मानव अधिकारवादी डीपी काफ्ले, ड्रुक नेशनल कांग्रेसका अर्का उपाध्यक्ष उर्गेन वाङचुक लगायतले बोलेका थिए ।
उता शुक्रबारै दमकमा आयोजना गरिएको पत्रकार सम्मेलनका बीच भूटानी जेष्ठ नागरिक स्वदेश फिर्ती समितिका संयोजक हर्कजंग सुब्बाले शरणार्थीको हित चाहनेले तीनवटै विकल्पलाई खुल्ला गर्नु पर्ने बताएका छन् ।
स्वदेश फिर्ती आन्दोलन ओझेलमा परेको प्रति अधिकांश शरणार्थी चिन्तित रहेको बताउँदै संयोजक सुब्बाले नेपालका राष्ट्रपति, प्रधानमन्त्री र परराष्ट्र मन्त्रीलाई कुटनीतिक प्रयासका लागि पहल गरिदिन ज्ञापन पत्र बुझाइएको बताए ।
सुब्बाका अनुसार केही वर्षयता स्थगित नेपाल-भूटान वार्ता सुचारु गराउन नेपाल सरकारलाई अपिल गरिएको हो ।

जहाज दुर्घटना; १८ को मृत्यु

Posted: 18 Dec 2010 08:47 AM PST

गएको मंगलबार ओखलढुङ्गामा भएको विमान दुर्घटनामा मृत्यु भएका मध्ये १८ जना भुटानी नागरिक रहेका छन् ।
१९ जना यात्रु र चालक दलका ३ सदस्य सहित २२ जना बोकेर खोटाङको लामिडाँडाबाट काठमाण्डौंका लागि उडेको तारा एयरको विमान ओखलढु्ङ्गाको श्रीचौर गाबिस वडा नम्बर ९ मानेडाँडामा ढुङ्गामा ठोक्किँदा दुर्घटना भएको थियो ।
भुटान सरकारले विमान दुर्घटनामा आफ्ना नागरिकको मृत्यु भए पछि आपतकालीन राहत कोषको स्थापना गरेको भुटान सरकारको मुखपत्र कुन्सेले जनाएको छ ।
दुर्घटनामा मृत्यु भएका भूटानी नागरिकहरुको काठमाडौंस्थित शिक्षण अस्पतालमा पोस्पार्टम भइरहेको छ । उत्ता
पोस्पार्टमपश्चात सबै लासहरुलाई भूटान लानका लागि मन्त्रीपरिषद् सचिव टासी सुन्सोको नेतृत्वमा ९ सदस्यीय टोली बिहीबारदेखि नै काठमाडौंमा रहेको छ ।

103rd National Day observed in camps

Posted: 18 Dec 2010 02:30 AM PST

As a state of dilemma whether or not to celebrate the National Day of Bhutan tightens up its grip, leaders of various political parties and human rights organizations gathered at Damak for an interaction program on the occasion of the 103rd National Day, Friday.
Speaking at the program, Chairman of the Bhutanese Refugee Repatriation Representatives Committee (BRRRC), Dr. Bhampa Rai, said the democratic struggle of the exile Bhutanese has failed to yield fruits due to lack of a visionary leadership.
"It is not that Dr. Rai should be given the reasonability to lead the movement," he said, "I just mean that it is the time for all leaders in exile to learn that we are no where even after two decades due to the lack of a visionary leadership."
Meanwhile, 10 leaders of various parties and human rights organizations sent the joint petition to the King on the occasion of the National Day demanding dignified repatriation to Bhutan. (Download the appeal here)
The leaders also expressed hope that all the internal problems of the country would be resolved judiciously under his leadership.
Similarly, on the occasion of the National Day, senior citizens of Bhutan urged the government of Nepal and the United Nations High Commissioner for Refugees to pressurize the Government of Bhutan to begin the voluntary repatriation of the exiled Bhutanese at the earliest. (Download appeal here)

Video courtesy : www.titopiromitho.com